سر تحضير القهوة المثالية
افضل ماكينة قهوة منزلية: دليلك لاختيار الجهاز الأمثل
عايز تبدأ يومك بكوباية قهوة في الجون تخليك فايق ومركز طول اليوم؟
برفكتو 👌 في المقالة دي، هنتكلم عن افضل ماكينات قهوة تقدر تشتريها علي حسب احتياجاتك.
سواء كنت مهتم بالطعم او السعر أو سهولة الاستخدام والتنظيف.
بس خليني أبدأ معاك الأول بأنواع مكائن القهوة الموجودة في السوق عشان تقدر تفرق بينهم بسهولة.
وبعد كده تقدر تختار اللي يناسبك بدل ما تشتري اي حاجة وخلاص “مش عايز البسك والله” 😅.
وهكلمك كمان عن الأسعار وباقي التفاصيل اللي هتساعدك ان شاء الله تاخد القرار الصح.
انواع ماكينات القهوة المتوفرة في السوق دلوقتي
أهم العوامل الاعتبار عند شراء ماكينة تحضير القهوة
- السعر : فيه مكائن القهوة حنينة وعلي اد الايد وفيه ماكينات بتحتاج فلوس باستمرار سواء علشان تشتريله كبسولات جديدة او علشان تعملها صيانة.
- معدل الاستهلاك : لو بتشرب قهوة كتير او عند اسرة كبيرة هتحتاج كده مكنة تعملك كمية كبيرة علشان مش كل مرة هتعمل يعني.
- سهولة التنظيف : محدش قادر يعمل حاجة دلوقتي، فاختار حاجة كده تقدر تنظفها ومتكنش صعبة في التنظيف.
- المكان المتوفر : هل عندك مساحة في المطبخ او المكتب تاخد حجم ماكينة القهوة اللي عايز تجيبها؟
ما هي افضل ماكينة قهوة منزلية ؟
| الماركة | نوعها | السعة بالكوب | اقل سعر |
|---|---|---|---|
| بلاك اند ديكير DCM750S | ماكينة قهوة اتوماتيك | 10 | 2300 جنيه |
| مينتا CM31216A | ماكينة قهوة اتوماتيك | 10 | 2200 جنيه |
| كليفر شيف | ماكينة قهوه فرنسيه | 2 | 200 جنيه |
| بزوسيو | ماكينة قهوه فرنسيه | 2 | 180 جنيه |
| ديلونجي EC9.1 | ماكينة اسبريسو | 2 | 6500 جنيه |
| ديلونجي EC685 | ماكينة اسبريسو | 2 | 9500 جنيه |
تنظيف مكينة القهوة بسهولة
- لازم مع كل عملية استخدام تشطف كل الأجزاء او المكونات القابلة للفك و الإزالة بشوية مياه دافية وصابون علي السريع كده،
- متنساش بردوا جسم الماكينة الخارجي علشان ما يترا كمش عليه التراب او الرواسب مشي عليه فوطة او قماشة مبلولة ويبقي زي الفل.
- نيجي للتقيل بقي وهو ازاي تنظف الماكينة الخاصة بيك تنظيف محترم
- اولا هتجيب شوية خل ومايه وتخلطهم مع بعض، خد بالك لازم كميات متساوية
- ممكن بردوا بدل الماية والخل تشتري محلول تنظيف ماكينة القهوه مباشرة فيه انواع كتيبر بتتاع
- بعدين بقى هنحط الخليط ده في خزان الماية
- شغل الماكينة كأنك بتعمل قهوة بالظبط بس متحطش قهوة سيب الماية والخلط يمشوا في الدورة
- بعد كده اشطفها شطفة حلوة بشوية مياه نظيفة علشان تتخلص من ريحة الخل.
- شوية ملاحظات مهمة
- لو فلتر مكينة القهوة ممكن تشيله اعمل كده واغسله بمياه وصابون بعد كل استخدام.
- لو كان الفلتر مش قابلة للازالة تاكد انك نظفته كويس من الرواسب
- يفضل انك تستخدم مياه مفلترة علشان مع الوقت هتتكون طبقة رواسب شبه الجير كده بسبب الأملاح الموجودة في الماية.
- حاول تقرأ الهاند بوك بتاع الماكينة هتلاقي فيه شوية نصائح حلوة عن المكنة بتاعتك.
اعطال ماكينة القهوة
- لما بشغل الماكينة بتعمل صوت عالي؟ يبقي انت مش حاطط الماكينة على سطح مستوي أو فيه اجزاء مش متركبة كويس.
- القهوة مش بتنزل او بتاخد وقت طويل؟ يبقي فيه انسداد في الانابيب اعمل دورة ماية وخل زي ما قولتلك.
- طعم القهوة وحش او محروق؟ لو حاسس ان طعم القهوة محروق كده يبقي اما انت ظابط الماكينة علي درجة حرارة مش مناسبة لنوع القهوة اللي بتستخدمها أو بتسيب القهوة بعد ما تعملها فترة طويلة في الماكينة.
- الماكينة بتبطل لوحدها؟ يبقى مشغل خاصية الايقاف التلقائي أو مشكلة حرارة عالية ولو السبب الثاني يفضل تكلم الصيانة على طول.
رأيك انت ايه؟
الفرنش بريس كويسة
يناير 11, 2025
اشتريتها سنة 2020 ولغاية دلوقتي شغالة معايا